Aaj shaam 7:30 baje Hyderabad ke Rajiv Gandhi Stadium mein Sunrisers Hyderabad (SRH) aur Gujarat Titans (GT) ke beech jabardast takkar hone wali hai. Dono teamon ke beech yeh match IPL 2025 ka ek aur exciting mukabla hoga.SRH ki Haalat – Thodi Tight Hai

Sunrisers Hyderabad is season mein thoda joojh rahi hai. Ab tak 4 match khele hain, lekin sirf 1 jeet paayi hai. Is waqt wo points table ke neeche ke hisse mein ghoom rahi hai. Team ki batting line-up toh strong mani jaati hai, lekin form mein thoda locha chal raha hai. Travis Head aur Abhishek Sharma se fans ko kaafi umeedein hain, lekin dono ka bat abhi tak zyada nahi chala.

GT ka Jalwa – Confident Nazar Aa Rahi Hai

Gujarat Titans ne 3 match mein se 2 jeete hain aur wo points table mein upar baithe hain. Captain Shubman Gill achhe form mein hain, aur unke saath Josh Buttler bhi dhamaka karne ko ready hain. GT ki team balanced lag rahi hai – batting bhi tagdi hai aur bowling bhi kaafi solid hai.

Dono Teamon Ka Record – GT Thoda Bhaari

Ab tak SRH aur GT ke beech 5 match hue hain, jismein GT ne 3 baar jeet haasil ki hai, SRH ne 1, aur ek match rain washout tha. Pichhle season mein bhi GT ne SRH ko achhi khasi dhulai di thi.

Aaj Kin Khiladiyon Par Nazar Rahegi?

SRH ke taraf se:

• Abhishek Sharma: Young ladka hai, lekin jab form mein hota hai toh chakke-chauke ki baarish kar deta hai.

• Travis Head: Agar aaj Head ka bat bola, toh GT ko kaafi run chase karne padenge.

GT ke taraf se:

.Shubman Gill: Team ke captain hain, aur jab wo tik jaate hain crease par, toh match nikal le jaate hain.

• Josh Buttler: Power hitter hai, match ka flow badal deta hai akela.

Weather aur Pitch Ka Scene Kya Hai?

Hyderabad mein garmi kaafi hai – lagbhag 34°C ke aas-paas temperature rahega. Match ke doosre innings mein halki oos pad sakti hai, jiska fayda batting team ko milega. Pich batting friendly hai, matlab ballebaazon ka hi raaj rehne wala hai.